Cerita Inspirasi Manado "titik Kacili" membangkitkan Semangat

Cerita Inspirasi bahasa Manado "titik Kacili". Cirita Inspirasi so pe banya yang da kemukakan kong da posting di Internet, mar koman ni qt da posting ini cirita inspirasi tentang cuma tu Titik Kacili., check this out 

   Ini Cirita depe awal waktu ada tu Motivator depe nama Jim Rohn,. dia da pigi di perusahaan Tanawangko yang depe karyawan rupa so patah susu alias so nda semangat karja,.

depe cara mo se bangkit dong pe semangat dia ambe tu Kartas Putih HVS kong kage dia kase akang TITIK KACILI dengan polpen itang di tengah2 kartas HVS putih itu,.

kong dia langsung kase tunjung pa samua karyawan Tanawangko yang ada datang di pertemuan tersebut:

"apa yang ngoni lia di kartas ini?

kong kage ada ni Tole Kakas langsung Jawab

"Qt Lia ada Titik Itang kacili dari Polpen"

kong ni Om Rohn balas,. 

bagus tole,. maar apa lay yang ngana karu da lia slain tu Titik Itang re? 

"nyanda ada,. cuma itu titik Itang no Om Rohn,.

kong tu laeng lay dukung depe jawaban,. " CUma Titik Itang"

 Ngoni nda dapa lia tu laeng slain tu titik itang? 

Nyanda Ada,. " samua karyawan jawab rame2 sampe tu Gedung Pertemuan samadeng da mo polote,. 

 " noch bagimana dang deng ni lembaran kertas HVS putih ini?

Om Rohn sambung tanya" kita tau ngoni samua pasti da lia ni kartas putih ini,. maar kyapa nda ada yang da perhatikan kank? ngoni lay smua cuma da lia tu Titik Itang Kacili ini,.,

Kong dia jelaskan "di pa tong pe hidop ini, torang banya kali lalai atau pura2 lupa tentang tu hal2 bae, luar biasa, tu hal2 indah, tu keajaiban yang pernah torang rasakan sandiri ato tong pe keluarga da rasa,. torang cuma talalu fokus pa masalah2 yang ja datang pa torang,. biarley itu cuma masalah kacili sama deng tu titik itang kacili,. tu masalah itu samadeng masalah doi, tu kecewa lantarang sesuatu ato gagal mo beking sesuatu kong salahkan pa Tuhan n sampe tu keluarga sampe so bakalae kong kaluar tu kata2 kebun Binatang (PEn**, CU**,Pe**I,Anj*n*, Ba*I, Kudac*K*)) 

 dimana tong pe masalah samadeng ni titik itang kacili ini di dalang kartas HVS putih basar ini,.

tu Kartas Putih HVS tadi sama deng tong pe diri ini noch,. kong tu titik Itang kacili tadi sampe nda berarti apa2

tu masalah ini cuma ujung kuku pe kacili, sehingga torang dapa mo kase luas bapikir for tong pe hidop,. sehingga ni titik Itang kacili nda beking tong pehidop putih kong pe basar tadi mo rusak lantarang titik kacili,. 

so lia tu masalah yang da datang pa torang, tong hadapi mar koman inga tu masalah itu cuma titik itang kacili pa tong pe kehidupan,. jang sampe mo kase rusak tong pe hidop,. PIKIR POSITIF sob,. okay?