RSS

Pramugari Manado di atas Pesawat Bakusedu



Ini ada cirita, ada Pramugari dar Manado pe Seksi deng Bahenol mar sadiki manalu. alx dia nintau ba bahasa Indonesia, pas so di atas Pesawat konk mo bertugas bagini depe cara mo kase jelaskan pa penumang2;

Kalu so rasa pidis tu mata, ato pongo tu talinga, isap jo tu gula2! Baru iko jo rupa tu peraturan penerbangan, skrng kita mo kase lia pa ngoni bagimana cara pake TALI MAMUDUNG yg ada pa ngoni pe pinggang, BAJU for BATOBO , dan KOP-KOP OKSIGEN.

Supaya ngoni bole slamat, coba lia jo kamari...kita mo kase lia bagimana dia pe cara mo ikat itu tali pengaman pa ngoni pe pinggang; cara kunci biar nyanda talapas, beking kencang, deng mo lapas tu tali mamudung.

Baju batobo ada di bawah ngoni pe kadera masing2. Jgn dulu pake sebelum OM KAPTEN kase sein batobo rame2. Eits, itu barang jgn ngoni pinda2 dari de pe tampa, apalagi mo bawa pulang for gantong di salon ato per moi ngoni pe ruang tamu. Kalu kita dapa riki, kita mo tampeleng muka blakang atas bawah pa ngoni. Mangarti?

Cara pake tu baju batobo; kase maso lewat leher, kong kunci tu tali bagesper dimuka. Jgn talalu kencang, nanti ngoni flau so nemboleh banapas. Beking pusing pa torang musti tiop ngoni pe mulu pe bobou...

Supaya bole timbul di aer, hela jo tu knop warna merah jambu bol, ato tiop jo de pe pipa merah. Inga! Kase gode tu baju diluar pesawat, kalu nda, torang pe tangan mo kram mo tarek pa ngoni samua lantaran so ta prop di pintu! 

Kalu kaluar dr pswt nda usah baku rebe neh?...musti baris rupa bebek antre. Holopis kuntul baris!

Kalu tu napas so mulai hosa, masker oksigen mo ciri dari atas pa ngoni pe kapala, hela jo tu kop-kop warna kuning kong pake! Tutu tu idong deng mulu, kase ron jo de pe goro di kapala. Samua mo dapa satu2 tu kop-kop, jangan ambe birman pe masker!

Itu tu kartu petunjuk darurat ada di popoji kadera.

Noh bagitu jo dang, oom, tanta, brur, sus! 
Rileks jo, kong pikir jo tu nyanda2. Mar jgn maniso pa tu stewardes, mo dapa skop! deng dapa slaber,.,.

Kalu ada perlu bole ba trosol jo pa kita, tindis jo tu knop sablah lampu diatas kapala! =D =)) =D =))

diambil dari tulisan ezara rawung di loyangers fb

berikut gambar pramugari seksi bahenol mar manalu
memang pramugari manalu,., so tau2 tampa taruh barang mo tidor akang, bantar dapa isi di koper baru ngana rasa,.,;P
apa dia da beking di pintu,., bagantong mar awas tagantong cwe
nah klo ini koman pe Fasung2,.
pramugari manggoro konk lupa batutu warong


0 Responses to "Pramugari Manado di atas Pesawat Bakusedu"

Post a Comment

thanks so baca,. tertarik? kase komen dang,.

 
Return to top of page Copyright © 2010 | Flash News Converted into Blogger Template by HackTutors