RSS

Cara membuat Bobengka Minahasa yang Lezat


Cara membuat Bobengka Minahasa yang Lezat. Kalo somo pengucapan samadeng skarang tu tou2 Minahasa maupun orang2 sanger, Uti2 ato tu dari rantau laeng yang tinggal di tanah toar lumimuut palingan mo babeking kukis khas Minahasa,. deng yang paling langka mar pe ajib alias sadap adalah BOBENGKA :). so dipostingan kali ini penulis mo kase tunjung cara mo beking tu Bobengka Minahasa,. cekidot:
sblum momasa torang musti sadia bahan2:

  • 300gram gula batu/gula merah dari pohong seho, kong sisir halus
  • 400gram kalapa stengah tua kong kupas baru abis itu parut
  • 250mililiter aer kalapa
  • 150gram kanari, kong cincang kasar
  • 150mililiter santang,. ato tu santang ramas dari 1 biji kalapa
  • 400 tepung ketan
  • 1 sendok teh kayu manis bubuk
  • daong pisang for mo alas akang sabantar
  • mentega for olesan (terserah mantega curah ato tu blueband)
  • 1/2 sendok teh adas manis bubuk
n kalo so ta kumpul tu samua2 bahan beking bobengka,. saatnya depe cara pengolahan,. oi? 
cara membuat:
  • pertama2 rubus tu aer kalapa deng gula merah sampe madidih deng kantal,. kong abis itu angka jo mar jang lupa saring supaya tu kotor2 nda taiko deng tu adonan Bobengka toch :D
  • kong abis itu, campur tu kalapa parut, tepung ketan, 100gram kanari kong goyang2 sampe pugado ato dong bilan aduk sampai merata. kong saleng tu santang, kong goyang ulang tu adonan Bobengka
  • saleng tu rebusan aer kalapa sambil diuleni,. kong kase maso tu adas deng kayu manis,. goyang ulang
  • saleng tu adonan tadi ka loyang yang torang so taruh daong pisang dibawah yang so goso akang mantega,. ini supaya tu adonan nda mo ta malengket di loyang sob,.
  • kase ambor deng sisa kanari tadi(50 gram),. baru torang oven di 180 derajat celcius selama 60 menit,. 
  • kalo so dapalia matang alias so masa,. angka kong!!!!
  • TADA jo,. meimo Kuman Bobengka Minahasa
demikian postingan tentang cara membuat Bobengka Minahasa yang sudah langka tapi lezat,. thanks so baca,. mar kalo ada saran deng kritik kalo boleh tulis jo di komen dibawah,. oi?? salam dari penulis Tommy dari Tanawangko


3 Responses to "Cara membuat Bobengka Minahasa yang Lezat"
joanne brenda said...

Mantap bro. Ijin Copy neh mo post di buletin remaja ok. Gbu


April 12, 2014 at 11:40 AM
joanne brenda said...

mantap


April 12, 2014 at 10:27 PM
tommy damima said...

@Joanne Brenda,. ator jo!!!


April 13, 2014 at 1:41 AM

Post a Comment

thanks so baca,. tertarik? kase komen dang,.

 
Return to top of page Copyright © 2010 | Flash News Converted into Blogger Template by HackTutors