Kumpulan cerita Lucu UTU

• Depe Judul Lucunya cerita Manado kali ini,. "Utu Berak Di Koi"

Utu pulang mabo brat.langsung maraya di tampa tidor,ciong depe bini kong langsung tasono.utu kage bangun so ada malaikat di muka padia,
utu : "sapa ngana?"
malaikat: kt malaikat pencabut nyawa,yg so ambe nn pe nyawa.
utu : jadi kt somati dang?? ado tolong kase bale akang dulu pakita,,kt blum smpat babilang pa kt pe bini dg anak.
malaikat: ok,kt sebale pa nn,,mar dlm bentuk hewan bkang mnusia.nn kt sejadi ayambetina.
jadilah utu seekor ayam betina...saat bajalan utu rasa gelisah depe badan..rupanya utu somo bertelur.
berapa detik kemudian,,telur pertama muncul dari bawah ekor.utu rasa nyaman.kemudian utu gelisah ulang,,rupanya telur kedua muncul lagi...
disaat telur katiga somo muncul,,rupa siksa utu mo sekaluar.utu bakuat se kuat"nya
hhmmmpppp......!!!!
tiba" ada pukulan kras pa utu pe kapala.....utu kage depe bini sodimuka padia...

"Bangun setannnngg.....!!!!" so bera dikoi lagi ngana....!!!:D =D

 

napa ley tu da berak2 sambarang., 

• UTU deng Mama batabrak oto

Satu hari ni UTU pulang skola. kong dijalang oto kijang so kara2 dapa sambar pa Utu. pas sampe rumah,
Utu ba klak pa depe mama..

Utu: maa, napa kita oto kijang ada sambar di jalang tadi..!
mama: kong dang…?
…Utu: kong tu tuang oto turun kong dia kase 300 RIBU pa kita for barobat ka dokter kata…
mama: ohh, mar ngana nya apa2 to Utu?
Utu: nda noh ma,. cuma tagaris sadiki tape tangang lantarang tacukur di aspal,.

depe besok,. pas Utu pulang skola, dia lia depe mama ada ditenga jalang ada pele oto FUSO yang spuluh bola…

Utu: ado kasiank FUSO itu mama !!
mama: badiam ngana anak… JUTA INI..!!!

wkwkwkwk,. 

  

noch kong Fuso bagini depe model tada depe mama,.,. hele tai lari sandiri,. so Jangan ditiru sob,.

• Utu deng Keke bakuator kaweng

KEKE : “Utu tempo apa dang ngana mo kaweng pa kita, so malo kita orang lia lia so ba tinggal deng ngana? Bulan Oktober jo neh !”
UTU : “Oh … nemboleh no! soalnya kita ada banya urusan dikantor bulan Oktober”
KEKE : “Kalo bagitu November jo dang.”
UTU : “Adoh… kasiang jo pa ngana….. November kita mo ada pelantikan kenaikan pangkat”
KEKE : “Oh kalo bagitu Desember jo neh… biar rame”
UTU : “December kua talalo rame karna hari Natal, sabar jo… nanti January taong datang”
KEKE : “Oh… jangan January bahaya… ngana mo geger otak…”
UTU : “Dari mana ngana tahu… tukang ramal so ngana?”
KEKE : “Kita bukan tukang ramal… maar kalo so’ bulan January kita mo beking picah deng botol ngana pe kapala…”
UTU : “!!/$@#?!!!”

tobat ngana utu,. wkwwkwk

 

nach bakuator bae2 jow kalo mo kaweng, masa koman ni yaki2 masasa rupa foto diatas boleh bkuator bae for mo kaweng kong ngana nda bisa,. khan aneh?hehe

demikian Jokes tentang Utu,. dan sorry sebelumnya buat yang benama Utu,. ini bukan disengaja, cuman nama Utu memang sangat terkenal di Minahasa dan Manado yang cocok untuk dibuat tokoh lawakan alias BAKUSEDU Manado,. okay ,. tatawa jow sblum tatawa itu dong larang