RSS

memasak Cumi kuah hitam Manado


Cumi merupakan sejenis ikan yang enak jika dimasak dengan benar. berhubung orang Tanawangko yang banyak suntung diblakang kampoeng, so tape mama banya kali mamasa suntung. salah satu masakan favorit penulis adalah suntung kuah itang. suka mo tau? bagini biasa ja beking :
depe Bumbu : 
Sereh 1 btg besar atau torang biasa ja bilang Sarimbata
Bawang putih 1 siung besar
Bawang merah 2-3 siung
Jahe, Kunyit kira-kira 1/2cm (biasa ja bilang goraka deng Kuning)
Kemiri 3
Daun jeruk, sobek (daong lemong)
Daun bawang 2 (iris tipis dan pisahkan bagian pangkal dan daunnya)
Daun kemangi.
Cabe rawit utuh 5 buah. (terserah jow nga suka tu rica, tergantung gargantang)
cara mo beking:
pertama taruh tu minya kong tumis tu bumbu. mar sblum itu se toki tu sarimbata/bramakusu supaya depe sari ta buka, kase alus tu bawang,goraka, kuning deng kamiri ekh jang lupa kote tu rica for mo kase pidis. waktu mo tumis usahakan jang sampe angus sob,. kong kase maso tu cumi/suntung kong taruh tu aer secukupnya. baru abis itu taruh tu daong lemong deng daong bawang kong tutu jow tu blanga supay depe aroma taputar2 di dalang kong beking harum tu cumi2 ato tong ja bilang suntung.
setelah brapa lama angka jow kong kase taruh di piring kong makang jow deng nasi panas,., sadap,., 
meimo kuman 
 masakan Cumi kuah hitam Manado yang ditutup supaya aroma dan kematangannya terjaga

bumbu2 form mo beking ni suntung kuah itang

napa noch tu Cumi Kuah Hitam yang qt pe mama ada beking di rumah,., 




5 Responses to "memasak Cumi kuah hitam Manado"
Angelo Kevin said...

Mantap,.. dapa inga kampung halaman...


May 30, 2013 at 9:50 PM
tommy damima said...

@angelo Kevin,. datang jow ka tanawangko nanti qt mamasa akang!!! bukang qt katu mar tape mama deng tanta yang tau mamasa,., anyway thanks so mampir kong ba comment sob,


May 31, 2013 at 7:42 AM
nasi campur selera baru said...

Adodoe... pep pidis skali reen


January 26, 2014 at 7:22 AM
tommy damima said...

noh apadang


February 21, 2014 at 9:56 PM
zenobia vantary said...

mantabz..thank you yah. jadi ingat mama sy suka masak. mama saya dari tanawangko


May 19, 2016 at 3:16 AM

Post a Comment

thanks so baca,. tertarik? kase komen dang,.

 
Return to top of page Copyright © 2010 | Flash News Converted into Blogger Template by HackTutors