midal tante Dei

midal,., adalah istilah yang orang biasa pake for makanan tradisional minahasa 

midal = mie campur tinutuan,.,

biasanya kalo bacirita tentang manado dorang biasa kase tagate deng 3 B, yaitu bibir manado, bunaken, deng bubur manado,.,

kalo bibir gaga banya di tanawangko 

kalo bunaken dapa lia dari pante tanawangko

kalo tinutuan ato midal ada pa tante Dei.

tempat makan midal tante Dei ini cukup terkenal hingga manado,., tempat makan ini memang cukup sederhana tapi asik sob, tepatnya di dodoku pinggir kuala sarani matani. 

   ni tampa pe terkenal skali hingga tiap malam pebanya skali orang ja datang, bukang cuma dari tanawangko bendar sob, mar ada yang khusus datang dari manado for cuma mo makang ni miedal,., 

waktu q tanya pa tamang2 dorang bilang midal disini lebe sadap di banding tu tampa yang dorang ja banggakan di Manado yaitu Wakeke,., depe istimewa disini depa rasa memang ajiiib deng depe tahu tore, rica sampe deng depe rampa2 di meja yang ja tambah sandiri kalo suka,.,., deng kalo ja makang ja dapa dengar tu aer kuala mmg sadap,.,.

brikut tu gambar q da ambe tadi malang 

tampa makang yang di sablah tampa mamasa,., 

(tampak chicken deng depe maitua).

Rexy deng keluarga 

tampak lantai dua cuma for mo makang midal,., 

ini lantarang tiap malang tetap fol skali

depe porsi memang pas skali,., 

(lia jo dimuka pa Rexy Wowor ).

depe rica kwa yang beking sadap, slain pidis disini lay ada 2 pilihan rasa,.,  

pilih saja2 mana yg nga ska

tampak TATO = tahu tore,.,

tampak Sayuran rampah2 bramakusu,.,

depe inti kwa jang bilang so pernah ka Tanawangko kalo blum rasa Tante Dei pe Midal,.,

tips; kalo mo datang agak ba fruk kong lia2 jo tu tampa kosong lantaran pe banya orang,., okokok