WARUGA

kebudayaan Minahasa pe banya skali depe kebudayaan yang orang bilang'unik -unik'. depe contoh sama deng Waruga,.,

Ni waruga kalo depe umum orang cuma tau ialah kubur orang2 doloe,., mar menurut tante wikipedia Waruga adalah kubur atau makam leluhur orang Minahasa yang terbuat dari batu dan terdiri dari dua bagian. Bagian atas berbentuk segitiga seperti bubungan rumah dan bagian bawah berbentuk kotak yang bagian tengahnya ada ruang. 

n supaya ngo tau ni waruga merupakan istilah Kubur batu waktu jaman Megalitikum. berdasarkan etimology ni waruga brasal dari bahasa Tombulu, yaitu Wale Maruga ato rumah dari badang yang so kring ato mungkin rupa so ta mumi stow,., hehehe. ato depe arti laeng wale waru ato kubur dari tanah domato,.,

 ni waruga ada terdiri atas dua bagiang, depe badang kubur yang depe model kotak deng depe batu for panutup yang depe model rupa bagiang atap rumah mar nda talalu basar,.,

fakta2 menarik tentang waruga 

• ada cirita'kalo orang yang mo mati yang ada beking sandiri tu waruga' 
• ni orang mati di waruga ada di posisi bajongkok,., 
• dorang da kase mangada ka utara lantarang orang minahasa brasal dari bangsa mongolia di utara,.,
• waktu mati dorang pasti taruh harta ato barang kesayangan orang mati itu,., 
• banya ja dapa barang antik / kuno di dalam waruga,.,
• dorang bilang 'laeng kali tu dotu di waruga ja kase mimpi kalo dya rupa suka nga mo gale tu kubur deng kalo orang laeng mo gale nda mo dapa apa2,., depe contoh rupa di desa tambala,., so ta bongkar2 dong da gale mar nda dapa biar cuma spanggal
• dorang orang mati pe profesi dapa lia di batu waruga,., ada yang tangang ka atas itu depe profesi dulu bidan ato dukun branak,. kalo pake kalong basar itu dotu basar,.,
• nda selamanya satu orang di waruga, kadang sampe satu keluarga,.,
• waktu kristen maso ni waruga rupa da kase ilang lantarang ada panyaki dulu yang brasal dari mayat yang cuma ada di dalang batu,.,

satu lay,., di ranowangko masi banya waruga yang lum da ta gale,..,. pa ngo pe kampung dang?