Grap -Grap Manado Alo Langowan bahitung

Ini Cuma cirita Grap -grap dari Manado, kalo ada kesamaan tempat dan nama mohon jang marah nech :p lantarang ini da sengaja ,. wkwkwk ,. cuma bakusedu

bagini depe cirita Tahun 1972, Alo’ pi blayar jaoh dari kampung. Satu dua bulan masih rajin kirim surat ke dia pe mama, Tanta Boki, terus sampe satu tahun. Surat terakhir Alo’ cirita dia so dapa trima maso tantara di Surabaya. Abis itu so nyanda pernah ada surat dari Alo’. Selama satu tahun Tanta Boki nyanda trima-trima surat dari Alo’. Karna so nyanda sanggup menahan rindu, Tanta Boki pangge pa de pe ade’, Om Kale’.

Boki : “Kale’, ngana pi Surabaya dulu. Napa doi, beli karcis kapal. Pi cari akang pa Alo’. Cari tau akang de pe kabar kasiang."
Kale’ : "Iyo dang, Boki."

Om Kale’ brangkat dari Bitung, satu minggu baru sampe Surabaya. Dia langsung menghadap ke komandan tentara di sana, dan terjadilah dialog dorang dua:

Komandan : “Siapa nama keponakan bapak Kale’?”
Kale’ : “Torang kwa’ biasa pangge pa dia Alo’, wona tare' da di sini ee.”
Komandan : “Nama lengkapnya?”
Kale’ : “Eeeh karu’ komandan, cuma ityu kitya tahu…”

Komandan dapa akal. Dia prentah untuk kumpul samua anggota dan babaris. Samua anggota babaris…. Om Kale’ badiri di sablah komandan deng sikyap sempurna karu’ ya.

Komandan : “Hitung mulai….!!!”
Anggota pasukan : “Satu…. dua…. tiga….….”

Om Kale’ babataruh kira, konsentrasi. Anggota ba rekeng trus…
Anggota pasukan : “Empat…. limya….….”

Om Kale’ langsung potong : "Komdan, so dya kitya da cari."
Komandan : "Maksud Bapak Kale’, yang mana?"
Kale’ : “Ityu yang ba rekeng kong bilyang LIMYA, so dya karu’ tu Alo’…..”

wkwkwkwk

Oryang manya re dya? langowan karu ya toch?

jang lupa lia bakusedu berdoa kata bijak manado