Pemuda Ranowangko profil

1.  Jeron Momongan :
 ni satu ini koman tape tamang dari kacili waktu TK, dya pe model agak kebapaan mar cocok mmg kalo for mo beking jadi suami yang sakinah mawadah warohma, skrg dya sementara kuliah di UNIMA jurusan Keolahragaan.. so dari itu dorang ja pangge pa dya pak guru

2. Randi Tamalihis
 ha koman kalo ni satu anak Japan/sakura yg paling jago. jago ba salto, bobaso, tahang lapar kendati ada ba minum captikus sampe tasudah2,.,., ni tape tamang ini kwa jago bermain Basket,. dya lebeh pilih bermain basket di SMA 1 Tombariri drpd mo main bola di Japan. ekh io kote kalo nga mo cari pa dya di kampoeng Ranowangko jang bilang depe nama Randi Tamalihis kasiang, nda ada yg mo kanal,.,., mar co nga bilang kalo kanal pa gulit cowo paling guanteng di komplex,., samua pasti tau. gulit pe foto

3. Rexy Wowor
 ini bro ini koman satu leteng deng q, jeron, Rendy Lasut, Naco, Mario Gerungan dll. torang sama2 dari TK sampe SMP, cuma dya kwa SMA di Jayapura. dya koman skrg so kaweng deng Nov,., depe istri pe bae2 skali walaupun turunan cina. depe anak paling tua (Erin) tape anak sarani. hopefully he'll has a good family.

4. Ivan Palandeng
chicken depe nama samaran di kampoeng. ni sohib ini tape tamang satu kompleks dari q SMP. ja maen Playstation sampe ampersiang ato ja maen trup deng sabir, pala juga om No. ni satu pe kalah koman sabata skali, ngo tau toch sabata?  alias sambarang tada,.,.,
mar q akui katu kalo dya tape tamang bae skali koman, sapa mo kore pa dya mo bakusapu,., wkwkwk

5. Vanny Wowor
tape kaka leteng tiga taong ini koman salalu datang ka rumah biar cuma mo pasiar ato ba lamu waktu pulang karja dari kalimantan. dya skrg so Boss sob, so dapa karja bagus di sono,.,. dapa inga kacili dulu tong ja maen sama2 deng Yafet, Obey kong tong pe Dotu ATO ja pimpin trg pe geng kasing,.,.

6. Peta
pemuda senior GMIM Ranowangko yang cukup berpengalaman dalam organisasi kepemudaan,., kita blg bgtu lntrng setiap kegiatan pemuda pasti dya mo bakutulung,dari berkemah sampe ibadah,., ni pemuda senior ini biasa ta ja pangge petrux alias bendi man.

7. tyson senewe
orson kita ja pangge pa dia, mar koman orang ja pangge pa dya 'mas',., ni cwo paling keren di kampoeng ini biasa bwa2 guitar dulu kong nongkrong di jembatan(maklum maitua tgl di bwah jembata),., skrg dya kul deng tape ade Inri di Stiepar,.,

masi banya lai tu orang ranowangko yg ta nda riki cumu ada nano, glend, jeki, yafet, dedy, tendi, mue, arter, obey, dll,., kalo mo cumu somo tabuang2 ni halaman,.,
n kalo tu parampuang koman ada

1. Natalia Kodoati
alias Nako,., ekh bukang kaca yg di rumah kasiang,., mar nako kependkan dr depe nama,.,. ni cewe hitam manis ini so karja di bank di sanger kalo nda salah, n jarang ja pulang,., spa tau so tagate deng ungke di sana,.,wkwkwkwk,., dia llus dr UNSRAT deng Kumlaude kalo nda salah stow,.,., depe ciri - ciri ni cewe lorong tengah ini : pe cerewet skaaaliii ,., mar koman sadap mo bcrt dg dya alx nda mo abis akang bahan,., hehehe deng jarang ja pake alas kaki kalo kaluar ka sablah rumah alias kaki ayang,., wkwkwkwk,.,. ,peace ne nako,., :) io kote banya cwo kampung ja bakurampas pa ni nako ini lantarang depe gaga,., hehehe

2, Juwita Tangkuman
wita depe kependekan,., satu hal yg q dapa gambarkan tentang ni hawa satu ini,., rajin, ulet, sabar, n pokoknya bagus for mo beking istri,., trg ba tamang dari SMP kwa waktu dya pindah dari manastow,., kong yg q inga skali kwa dya dulu ja beking pembatas alkitab kong ja jual pa namet smp,., pe kreatif skali noh dya,.,

3. Inri Damima
kalo ini koman Tape ade satu2nya,., memang kalo torang2 bakubawa orang nda mo sangka kalo kaka ade,., mungkin ngo so tau toch,!! kopi susu depe alasan (tape ade putih q itang,.,) mar byar jow yg penting kaka ade baku jaga,.,. , q paling bangga deng tape ade ini, dya lebeh pande dari q n skrg so sementara kuliah di stiepar,.
depe satu leteng koman tu enjel johanes, ebi worung , memey, mei, patris, brigit,., nah kalo dong so bakumpul so rame tu rumah,., dorang biasa ada istilah 'DUGEM' alias duduk Gembira,., wkwkwkwk

bagi yang nda ta cumu ato salah penjelasan harap nda tersungging,., karna ini cuma TOmmy Damima pe pendapat,.,., yg blum ta cumu harap tulis sandiri jow di komentar,., okokokok,.,

ketuapemuda James Kojongian deng bidadari pemudi Ranowangko,., hidop pena

HIDOP Tanawangko