minuman keras tradisional se Indonesia

sob,.,.
di indonesia banya skali tumbuhan berguna,., lia jo tu kalapa yang berguna dari ujung daong sampe akar, kong tu aren  yang boleh mo beking akang saguer ato cap tikus.,,.
syapa yang nda knal ni minuman besi putih ini,, di artikel ini q mo kase info for macam2 minuman kras di Indonesia.

1. CAP TIKUS deng SAGUER

jang bilang pamabo kalo blum rasa captikus. ni captikus merupakan aer yang kluar dari pohong aren ato torang biasa bilang pohong seho yang tasebar di amper samua tampa di minahasa. ni minuman keras( bukan batu nech) pertama ja bilang saguer, depe rasa manis mar kalo so tabadiang satu hari mo jadi asang, mar lama2 ngo boleh mo beking jadi cuka saguer. Kong abis itu ngo mosti suling supaya mo dapa cap tikus deng depe kadar alkohol yang disesuaikan. ni captikus boleh mo campur sambarang , kalo mo minung cuma campur satu paket sama deng cap deng pepsi ato cap pulpy deng susu tambah kratindaeng,.,. perlu diingat ley kalo tu kesegaran yang ada di manado depe bahan baku utama adalah cap tikus

2. Tuak

tuak merupakan minuman yang amper sama jo deng saguer. cuma ni minuman kras brasal dari beberapa macam pohong, seperti nira kalapa, ato aren, legen dari pohong siwalan. di batak ni tuak brasal dari aren atoseho kong lantarang itu dong ja bilang 'bir panjat'. ni tuak tersebar di banya tampa di indonesia cuma depe inti ni minuman brasal dari fermentasi buah manis. ada peribahasa sto yang beking tatawa 

minung satu glas penambah darah, 2 glas lancar bicara, 3 glas mulai tatawa, 4 glas cari gara2, 5glas hati babara, 6 glas beking perkara, 7 glas so lebe gila, 8 glas beking sengsara, 9 glas maso panjara , 10 glas maso neraka.,., wkwkwkwk

3. Sopi

ni sopi brasal dari maluku ternate. kalo mo lia sepintas ni binatang ini sama deng cap lantarang dari pohong aren lay kong pe kras sama deng batu klo mominung alias bakar manyala.,., cuma ni sopi ada pake bubuk akar Husor. ada yang bilang tu petani sopi so banya yang kase skola depe anak sampe sarjana.,.,., memang kalo bagini lebe bae tre ba jual sopi jo kank? mar kalo q lebe bae minung jow ni minuman yang cukup kras sama deng vodka,.,.,

4. Arak Bali

amper sama deng tuak, ni arak balilay hasil fermentasi dari sari kalapa deng buah laeng, depe kadar alkohol 30- 50 an%. ni minuman cukup terkenal di bali, ( baru depe nama kwa arak bali) yah pasti dari sana noh,.,

ni arak sebenarnya ja pake for upacara adat for mo sembah dong pe dewa2,., depe cara tu arak bali saleng ka daong pisang model kerucut kong mo kase pancar di muka pake bunga,., cuma kalo orang yang pernah rasa cap tikus dorang bilang ini nda talalu sadap,., ba tawar karuuu yachhh

5. Lapen

nah kalo ni barang ini koman brasal dari pulau Jawa tepatnya dari komplex candi borobudur,. apa tre klo bukang jogjakarta. ni minuman ini memang beking saki sampe mati.,. alias dpe reputasi memang so black list. mar dasarjo pamabo, apapun yang penting bagoyang tu kapala tetaaaaaaaaaappppp tada,.,. so banya orang yang da berpulang waktu minum ni barang ini, lia jo kwa depe kepanjangan Lapen = langsung pening. 

mo beking ni Lapen sadiki aneh kong beking tako,.

ambe tu alkohol amper 100% kong campur aer putih tambah gula deng pemanis aleng, kase badiang stengah hari kong bis itu tada jow,.,. yang beking tako ley kwa ni alkohol for campuran depe sumber nda jelas, laen kali stow so pake Methanol (for cuci luka) kong bis itu lay tu anak muda di JOgja jaga baku sombong sapa tu jago dorang ja tambah karbol samoe formalin lay,., ckckckck minung sih minung mar mo cari enak toch bukan mo cari mati,.,

6. Ciu

ni minuman koman dari daerah banyumas, sukoharjo,. pokoknya di jawa sana noch,.,. depe inti ni barang hasil fermentasi dari bras ketan ato puloh, tape dengan kadar alkohol 50 sampe 90%