Kabasaran

 kalo nga mangaku orang minahasa nga mosti tau ini tarian, Kabasaran. ni tarian ini memang sadiki sadis, dorang jaga ba etag dulu, baru manari,.,.

ni Kabasaran sebenarnya tarian yang cukup sakral, biasanya dorang ja beking sblum bakuprang deng suku2 ato blanda, mar skarang ngo boleh ja lia pas mo sambut tu 'bos-bos negara' alias pejabat, ato tu bule2 mancanegara yang datang pa torang pe komleks, mar kalo di Ranowangko dgn kampoeng sekitar, ngo pasti lia ni barang ini kalo taon baru ato pas kuncikan,., 

dorang mo ba jalang 'beking rame kampung',., kalo depe bahasa gaul 'door to door' hehehehe,., waktu dorang datang cuma jo kase kaluar minuman kras ( bukang bau, atw beton nech) sama deng kesegaran, sari , beer, ato kalo pas mentes kase kaluar jo cap tikus,., lantarang for dorang yang penting enjoy deng asiikk.,. eh mar jang lupa kalo ada lebe kase biar cuma dorang bilang 'doi roko',., 

di artikel ini q mo kase posting apa itu ni Kabasaran ato biasa torang bilang cakalele,.,

Kabasaran berasal dari kata 'Wasal' depe arti ayang laka yang da potong depe kapseti,., nga bayangkan jo, so itu dorang rupa deng orang so siap mo manyabung,.,

adale yang bilang ni Kabasaran berasal dari dua kata' kawasal ni sarian' ,., kawasal depe arti batamang akang deng manari sedangkan 'sarian' depe arti pemimpin tarian ato Tuama,., lama2 itu kata W dorang ganti deng B kong jadi Kabasaran, kong depe arti so jadi manari for Pembesar2, ato for bos2,., :8

lantarang ni tarian for prang so itu tiap orang musti ada depe senjata,. (tombak, Peda, perisai for mo batangkis), deng depe dasar langkah 2 ka kiri n 2 ka kanan,., :)

ni kabasaran ini ada tiga ronde,., 

1. Cakalele : berasal dari kata 'saka' depe arti bakalai ato baku prang deng 'lele' balompa. ni babak biasa ja beking pas baru mo prang kong mo kase tunjung pa tamu bahwa dorang aman,., 

2. Kumoyak,., dari kata 'koyak' depe arti kase nae turung tu peda ato tombak mo kase tenang tu pikiran deng hati waktu baku prang

3. Lalaya'an,. depe arti tu petani manari bebas sanang. cuma di ronde ini dorang boleh senyum waktu manari.,. n mungkin stow mo kase tunjung kalo dorang so bebas dari musuh,.,

kalo dorang manari biasa jaga pake baju merah, depe nama kaeng'patola'. ni kaeng cuma ada di tombulu,., 

deng stiap mo manari dorang ada jaga pake capeo yang ada depe paruh/ pantetp burung deng depe bulu2,. ,pokokx bekeng se sangar,., :SS

Baku Abis Jow,., TUAMA,.,