Tips Mudik Motor dari Orang Manado paling Jago

Tips Mudik Motor dari Orang Manado paling Jago. Mudik Motor sekarang telah menjadi Trend bagi masyarakat Indonesia,. berjuta2 orang pulang kampung hanya bermodalkan Motor,. alasannya selain cepat juga biayanya murah,. tapi taukah anda kalo pulang pake motor itu mengadung banyak resiko karena kecelakaan, perampokan,. so berikut ini Tips Mudik Motor dari orang Manado yang paling Jago,. cekidot: 

1. Pastikan dulu ngoni ada motor.

2. Cek bae2 itu REM. Pastikan masih berfungsi dgn baik. Jgn nekat ba rem pake spatu

3. Lampu le harus dlm kondisi bagus. Nda lucu kalu nnt ngn so nae motor, kong depe penerangan cuma pake senter hape.

4. Tu rante le musti cek, masih ada atau so nda, sapa tau so ilang karna anak STM so ambe for senjata dorang bakalae.

5. Jgn lupa tu spion, ini penting skali ciiiin, for ba kaca dang selama di perjalanan. Cihuiii.

6. SIM musti ada. So tau itu SIM apa? Surat Izin Mengemudi. Jang sama dg tape tamang, pas tu Polisi tanya SIM, sambil bongkar hape dia manyao : "SIM 1 at SIM 2 Pak? Tape hape dua SIM ini?"

7. Surat2 juga wajib ngoni bawa. For jaga2 kalu ada razia. Jgn karna ngana jago ba lamu, kong ngana goda tu polisi pasung : "Sorry Pak, kita pe surat motor ta tinggal, depe ganti bagimana kalo torang bekeng surat nikah skarang.

8. Tu helm musti SNI. Biarpun ngana karja di proyek, jgn ngana pamer pulang mudik pake helm karyawan yg depe warna kuning

9. Bawa barang2 yg simpel dg yg penting2 jo. Barang2 sama dg kasur, tabung gas, meja komputer, asbak, reket nyamuk nda usah bawa.

10. Stel tu kecepatan 40-70km/jam jo. Nda usah ba ngebut sampe 120km/jam, nanti mo talalu capat ngoni mo sampe di kampung. So lalah le di perjalanan kong mo dapa suruh kasana kamari dirumah baku bantu

11. Jangan le talalu santai 10km/jam. Kita kuatir kage lebaran taong depan ngoni baru mo sampe di kampung.

12. Selama di perjalanan bekeng biasa2 jo, nda usah ba lebay pake lapas tangan, angka2 ban muka, badiri di jok, ba jamping kong ba putar2 di udara sama dg ksatria baja hitam. =D=))

 

sudah so dapa pelajaran bagimana kalo mo slamat waktu mudik deng motor?? oi/.. smoga ngoni slamat waktu mudik deng motor kong bakudapa deng keluarga2 di desa,. oi?? salam Tommy orang Tanawangko yang nda ja mudik Idulfitri,. qt cuma ja mudik pas natal desember,. mar qt kwa mudik dari Tanawangko ka Sanger Tahuna,. hehehe