James Arthur Kojongian (JAK) orang Tanawangko Asli

James Arthur Kojongian (JAK) orang Tanawangko Asli. ini pemilu for legislatif so dekat,. orang2 so mulai ja kase nae tu bendera2 partai. no so lantarang itu tu desa2 di Indonesia so kurang rupa pelangi lay,. ada tu mereah, biru, kuning ijo deng warna campur2,. 

   mar koman kalo di pa tape kampung Ranowangko Tanawangko ada 2 bendera yang paling dominan,. yaitu merah deng kuning. kalo tu merah di tujukan for Ivan Rengkung (mantan hukumtua Ranowanko) n kalo tu kuning koman ditujukan for James Arthur Kojongian,. 

  okay!!! dipostingan kali ini kita mo bahas agak lebeh tentang ni James Kojongian. 

sapa nda kenal ni om muda ini,.(jang dulu masalah politik) dia waktu lalu sangat aktif di gereja, dia baru klar da pimpin tu pemuda GMIM Ranowangko satu periode,. waktu depe periode banya kegiatan yang da terlaksanakan pa torang pe kampung Ranowangko tercinta, seperti Pertemuan Pemuda Sesinode GMIM, berkemah brapa kalee,,. blum lay tu kegiatan2 laeng mulai dari vocal group, senter klaas waktu natal hingga ja pigi pante asuhan kong kase sumbangan.,. mar koman yang qt paling akui pa ni JAK ini dia sempat2nya ja hadir di Ibadah pemuda atopun ibadah greja laengnya walaupun dia pe waktu pe sibuk skalee di dunia politik,.(like) !!!! nah setelah so klaar tu da pimpin tong pe pemuda ranowangko, ni James Kojongian ini koman skarang ada pimpin tong pe Kaum Bapa GMIM Ranowangko,. 

   sudah toch tu tentang kerohanian,. nah kalo bacirita tentang dong pe keluarga pe bantuan for tu orang Ranowangko deng Tanawangko lay so ta lebeh2 koman,. mo bukti? pe banya orang Ranowangko yang dorang pe keluarga da kase kerja di Kalimantan sana (yang qt tau di perusahaan kayu), memang sih dong nyanda kase doi cuma2 sama deng BLT mar toch itu lebe bagus lantarang so banya tu orang Ranowangko yang "so ada hambak" kong boleh kirim doi for dong pe keluarga di kampoeng!!!..

oto for ja pake kampanye baru2,.

poster JAK,. sem

foto waktu di lapangan tambala

tampa kumpul2 simpatisan di pa James Kojongian pe rumah

James Kojongian waktu memberikan Sumbangan bagi anak yatim,. (mantap)

    apa lay kank?? oh io kote ni paling baru dia ada sumbang Ambulans for orang2 Tanawangko yang dalam keadaan sakit kong for mo antar secara EMERGENCY ka rumah sakit,. deng perlu ngoni tau kalo ni ambulans ini FREI alias FREE nda bayar deng tersedia 1x24 jam lay!!,. bagus toch!!! banyangkan kalo ngoni sewa ambulans, ato so nda ada oto pas tengahmalang ada anfal tu panyaki,. ta koman like tu orang Tanawangko model bagini,. so mo pilih pa sapa lay?? orang yang tong kanal ato orang yang dari kampoeng laeng??? 

   ekh ada lay kote qt mo tambah!!! waktu bencana banjir baru2 qt koman da lia sandiri dia ada di tengah2 masyarakat Ranowangko yang sementara panik kong ada bakutulung kase mengungsi tu masyarakat sampe aman kong abis itu datang ka rumah2 yang da tasapu banjir kong kase bantuan,,. (mantap)

  memang sich di pa tong pe kampung ada brapa yang bacalon mar koman ngoni boleh lia sandiri mana yang terbaik,. itu yang terpenting,. mo merah ke ato mo kuning ke yang penting ORANG KAMPUNG SANDIRI!!!okokokok

demikian qt pe pendapat,. 

ekh napa tu foto2 terbaru yang qt da dapa tentang ni JAMES ARTHUR KOJONGIAN: