Foto Pembakaran Fatek Unsrat yang memalukan

Foto Pembakaran Fatek Unsrat. tong pe mahasiswa Universitas Samratulangi Manado baru2 ini beking malo,. ngo tau qyapa? bagimana tu tampa kuliah for mo blajar akang dong cuma da bakar. Tu kejadian da terjadi waktu kemarin hari rabu 05 maret 2014. ini kejadian pembakaran sebenarnya dilakukan oleh tu anak2 Fakultas Hukum, ini lantarang dong da bakusalah deng anak2 mahasiswa fakultas teknik. singkat cirita bakulempar batu kong baku bakar kiri kanan sampe gedung kuliah deng skali tu motor2 deng tu dosen pe oto2 riki rusak2,. ini noh depe foto2 yang qt da dapa dari pa tape tamang yg da kuliah disana deng media di internet lainnya,. cekidot:

gedung fatek UNSRAT yang sementara tabakar waktu bakalae tu mahasiswa fatek unsrat deng hukum,. ckckck,. jurusan Hukum mar cuma bakar2 gedung perkuliahan, bagimana kalo nantinya dong jadi hakim ato pengacara? slak2 dong bakar lay tu tersangka,. hehehe :p

napa noh dorang yang mo ba kase aspirasi mar sampe anarkis,. beking malo orang manado jo ngoni,. lebeh bae sudah jo skolah tinggi2,. (palingan paling banya diantara pa dorang merupakan MAPALA ato mahasiswa paling lama).

gambar fakultas teknik waktu tabakar deng abis tabakar yang so tinggal arang samua,. kong rupa tu arang tampurung.

keode,. bukang mo blajar bae2 supaya berguna dimasa datang malahan cuma ja baku bakar gedung,. jang contoh pa ni manusia2 model bagini,. beking sasa kampus jo ngoni smua,

so lantarang ni kejadian memalukan ini kong sampe tu kegiatan perkuliahan di UNSRAT di tunda selama satu minggu,. so libur dech ni mahasiswa2 UNSRAT.
kalo boleh qt kase saran for ni mahasiswa2 model bagini :
karena sebagai orang yang pernah kuliah di Universitas ., UNIMA bukang UNSRAT qt sebenarnya tau batasan2 waktu bademo sob,. qt lay pernah jadi aktivis di kampus deng pernah dudu di BEM fakultas FBS UNIMA. kalo bademo jang cuma cari sensasi sob2,. jang cuma mo kase tunjung kalo ngoni jago n brani ba demo,. ckckck cek dulu kwa ngoni pe SKS, nach kalo mantap deng lulus slalu baru pantas ngana mo lia deng kase salurkan tu aspirasi di kampus kalo ada yang nda beres,. 

pake ontak jang pake tu amarah,.

sekian deng trimakasih,. hidop mahasiswa.
sitou tumou timou tou,.